FESTIMI  I  10-VJETORIT TE DITES SE THEMELIMIT
TE SHOQATES SE  EGJYPTIANEVE KOSOVARE " KLEOPATRA "
NE  KONSTANZ  TE  GJERMANISE

Shoqata  e  Egjyptianëve  kosovarë   në   Konstanz  të   Gjermanisë ,  falë  angazhimit të Kryetarit   të   sajë   z. Milazim  Aliaj,  Nënkryetarit  Ekrem  Abazi,  Sekretarit  Jahir Zymberaj,
si dhe  disa antarëve  tjerë   të   Kryesisë :  Skender  Imeri,  Ramadan Iseni,   Sahit Mulaj etj. të   përkrahur nga LEK-u (Lidhja  e Egjyptianëve  Kosovarë )  nga Zvicra,
me Kryetarin e sajë z. Bajram Imeraj, Nënkryetarin   Sadri  Alaj,  dhe antarët tjerë   të   Kryesisë,
Sot  me  datën 28.6.2009,  në   Allensbach, në një sallë   të bukur  të   krijuar  me një ambient  festiv,  enkas  për këtë   rast, para  afër  150  bashkëkombasëve  tanë   Egjyptianë   të   pranishëm,
FESTOI   10-VJETORIN  E  THEMELIMIT    të   sajë , më qëllim të ofrimit  të bashkëkombasëve tanë   në   diasporë – Gjermani, në   gjallërimin e aktiviteteve të ndryshme  në drejtim 
të ruajtjes  dhe  ngritjes  së   ndjenjes sonë   kombëtare , dhe  ruajtjen e vlerave të kulturës, traditave  dhe zakoneve tona Egjyptiano-Kosovare.



Mysafirë  speciale  të këtij   Manifestimi  ishin: 

- zonja  Friederike von Wolff nga Arbeitskreis Asyl, dhe
- gazetarja,  zonja Rindt   e Gazetës - Suedkurier

Këtij manifestimi iu përgjegjen një numër i madh Egjyptianesh tanë , të cilët përpara nuk ishin aktiv, me ç ´rast ne i përshendesim dhe i falenderojmë .

Kurse, tani mungoi prezenca e disa bashkekombasëve tanë , aktivista të dalluar ,  të cilët deomos ka  qenë dashur të jenë prezent, jo për hater të Kryetarit dhe antarëve të tjerë të Kryesisë ,
por për  të miren e tyre dhe të fëmive,e më shumë për hirë të çështjes sonë madhore kombëtare, sepse, FESTA  E  10-VJETORIT   të   Themelimit  të kësaj  Shoqate, nuk ishte   Feste  private e askujtë ,
por  eshte   Festë e Egjyptianëve kosovarë ,  Festë e të rinjëve tanë që punojnë   për identitet dhe ardhmerinë tonë   të gjithëmbarshme  kombëtare.
Shpresojmë që në të ardhmen do të bëjmë ndonjë   organizim edhe më të mirë , dhe se do të kemi përkrahje më të madhe.

Moderator i këtij  Kremtimi  ishte  Ekrem  Abazi, i cili hapi Festën me këto fjalë:

Mysafirë të nderuar,

Zonja dhe zotrinjë

Të nderuara motra dhe vëllezër Egjiptianë,

Unë Ekrem Abazi – nënkryetar i Sh. E. të Kosovës KLEOPATRA me seli në Konstanz ,
kam kënaqësinë që në emrin tim personal, dhe në emër të Kryesisë sonë të ju përshendes dhe falenderoj për pjesëmarrjen e juaj në madhërimin e Festës sonë.
Pra kjo Fest e jona është edhe Festa e juaj - FESTA e SHENIMIT TE 10 VJETORIT të ekzistimit dhe punës të Shoqatës sonë Egjiptiane kosovare „Kleopatra“ .
Ju njoftojmë se Kryesia e Shoqatës sonë, në bashkepunim me Shoqatën Egjiptiane

- Lidhja e Egjiptianëve të Kosovës në Zvicer dhe në bashkpunim me Degët e partive politike të Egjiptianëve të Kosovës IRDK-së në Zvicer dhe Gjermani,
morem vendim që me rastin e kremtimit të 10 Vjetorit të themelimit të Shoqatës sonë të organizojmë këtë lloj Koncerti , me qëllim të ringjalljes së aktivitetit të Lëvizjes Egjiptiane në diasporë,
duke u bazuar në atë se edhe popullin tonë Egjiptian e bashkon kënga dhe muzika, që luan rol të rëndësishëm në ngritjen e vetëdijes sonë kombëtare Egjyptiane dhe ruajtjen e kultures .

Për kremtimin e këtij Dhjetëvjetori falenderojmë Sponzorët që ndihmuan financiarisht në organizimin e këtij Koncerti, e këta janë:

- Bajram Imeraj, Kryetar i LEK-ut në Zvicer
- Sadri Alaj, Nënkryetar i LEK-ut në Zvicer,
- Qerim Abazi, veprimtar i pavarur i Lëvizjes Egjyptiane
- Milazim Aliaj, Kryetar i Shoqatës Egjiptiane "KLEOPATRA" - Konstanz
- Jahir Zymberi, Sektar i Shoqatës Egjiptiane "KLEOPATRA" - Konstanz
- Ramadan Iseni, antarë i Shoqatës Egjiptiane "KLEOPATRA" - Konstanz
- Sahit Mulaj, antarë i Shoqatës Egjiptiane "KLEOPATRA" - Konstanz, dhe
- Skender Imeri, antarë i Shoqatës Egjiptiane "KLEOPATRA" - Konstanz.

- Njëherit falenderojm këngetarët me grupin muzikor, dhe Kamermanin : Studio “Ferdi”.

Mbi punët e kryera dhe rezultatet e arritura gjatë dekadës së kaluar, në vazhdim ju njofton Kryetari i Shoqatës Milazim Aliaj:

R A P O R T

MBI PUNET E KRYERA DHE REZULTATET E ARRITURA GJATE NJE DEKADE
TE KALUAR TE SHOQATES EGJYPTIANE KOSOVARE „KLEOPATRA“
ME SELI NE KONSTANZ TE GJERMANISE

Zonja dhe zotrinjë,

Motra dhe vëllezër Egjyptianë, si dhe mysafirë të nderuar,

Mirë se erdhët në kremtimin e DHJETVJETORIT të themelimit të Shoqatës sonë Egjyptiane kosovare „KLEOPATRA“ me seli në Konstanz të Gjermanisë.

Para se të fillojmë me punën tonë, luteni që të ngriteni të gjithë në këmbë, dhe me një minut heshtje të perkujtojmë figurat e larta të historisë sonë kombëtare Egjyptiane dhe patriotët e dalluar,të cilët sot nuk gjinden në mesin tonë : të ndjerin Arif Garen, të ndjerin Rrahman Miftarin dhe të ndjerin Mujë Qakollin, që dhanë kontribut të madh Lëvizjes sonë Egjyptiane të Kosovës, dhe antarin e Kryesisë sonë të ndjerin Tush Asllanin (bacen Tush) që sot vendi i tyre mbeti i zbrazur në mesin e shokëve tanë.

Para se të kalojmë në punën e Shoqatës sonë në këtë periudhë dhjetvjeçare, ku do të përpiqem të jem sa më i shkurt.
Më lejoni që me një kënaqësi të madhe ta përshendes edhe njërin nga themeluesit e Lëvizjes sonë kombëtare të viteve të 90-ta , i cili është prezent sot në këtë manifestim, puna dhe kontributi i të cilit nuk pushoi që nga themelimi e gjerë më sot, gjegjësisht zotëriun Qerim Abazi.

Mbi festimin e Dhjetëvjetorit të Shoqatës sonë, njoftuam RTK-ën dhe gazetat kosovare, ku KOHA Ditore dhe ZERI i Dites publikuan njoftimin tonë:

Me mbarimin e luftës dhe ndërhyrjen e forcave të NATO-s në Kosovë, vuajtjet dhe mundimet e popullatës sonë Egjyptiane nuk u ndalen por u shtuan, kështu që pjesa e madhe e popullatës sonë u detyruan t´i braktisin votrat e tyre dhe ta marrin botën në sy, vetëm e vetëm ta shpetojnë jetën e tyre. Në këtë rrugë të veshtirë dhe të pa fund gjindeshin gra, femijë, të rinjë dhe pleqë të moshuar. Gjatë rrugëtimit kishte raste sëmundjeje dhe vdekjeje, ku të vdekurit familja i varroste në skaje të rrugës pa kurrfar ceremonije fetare, pastaj, vazhdojshin rrugen së bashku me të tjerët. Kështu që këta të ikur arritën në Mal të Zi, Maqedoni dhe Serbi, e pastaj një pjesë e tyre vazhduan për në shtetet e perendimit.
Duke pa këtë gjendje të mjerueshme të popullatës sonë, në fund të vitit 1999, në një dimër shumë të egërsuar që ngrinte çdo gjë, u ngritë në këmbë Kryesia e Shoqatës sonë Egjyptiane kosovare „Kleopatra“ që gjindeshim në Gjermani ,dhe në koordinim me Shoqatën Egjyptiane Jugosllave me seli në Albstadt - Ebingen të Gjermansë, organizuam ndihmën e parë humanitare ne rroba dhe financa dhe dërguam te ikurve tanë nga Kosova që ishin vendos në Podgoricë dhe vendet tjera të Malit të Zi. Dërgimin e kësaj ndihme me kamion e bëri në bazë të autorizimit tonë zotriu JAHIR ZYMBERI, sekretar i Shoqatës sonë.

Me 9 janar të vitit 2000, prap në koordinim me Shoqatën Egjyptiane Jugosllave të Albstadt-Ebingen, antarët e Shoqatës sonë dhanë një kontribut të madh në Tubimin e organizuar nga Shoqata për popujt e rrezikuar në Gottingen të Gjermanisë, ku zëri jonë bëri jehonë të madhe në afirmimin e çështjes sonë kombëtare dhe thyerjen e një etikete të keqe për popullin tonë nga qarqet e caktuara si brenda ashtu edhe jashtë Kosovës dhe diasporës.
Në këtë Tubim shumë të rëndësishëm për popullin tonë, ishim shumë të organizuar që morem pjesë më se 50 antarë, dhe thyem tabut e ndryshme që ekzistonin për komunitetin tonë Egjyptianë.

Po në fillim të vitit 2000, Shoqata jonë luajti një rol të madh në formimin e BNEK në diasporë, ku me veprimtaret e Shoqatës dha një kontribut të madh në punën e Bashkësisë në mënyren e organizimit dhe veprimit në diasporë në favor të popullit tonë. Kështu që, për shkak të gjendjes së vështirë që mbretëronte atëhere, ne morrem aksione të ndryshme duke informuar institucionet e ndryshme gjermane mbi gjendjen e veshtirë të të ikurve tanë jashtë Kosovës, i lutem që ta ndihmojn e popullin tonë të ikur në të gjitha format e mundura, si ato financiare, poashtu edhe në ofrimin e mbrojtjes dhe ndihmës për të gjithë ata njerëz tanë që kerkojshin strehim të përkohshëm, ku edhe kishim rezultate të kenaqura në mbrojtjen e Azyl kerkusve si në Gjermani, ashtu edhe në Suedi, Norvegji etj.
Pra, Shoqata jonë ka qenë aktive edhe në Parlamentin e Stuttgardit dhe të Konstanzit, ku përmesë të ashtuquajtur Azyl kreis hilfe nga Konstanci , kemi luajtur një rol të madh direkt me përfaqesuesit e partive politike të Stuttgartit dhe tërë Gjermanisë përmes ndihmes së ofruar të zonjës FRAU VON VOLF në mbrojtjen e Azyl kërkusve si dhe mbrojtjen e identitetit tonë kombëtar.

Në vitin 2001, Shoqata jonë në veqanti veqon dhe dallon bashkëpunimin me institucionet dhe partit politike të Konstanzit të Gjermanisë pa marrë parasysh se cilit krah i takonin si dhe me një bashkepunim të mirëfillt me Shoqatat e Egjyptiane kosovarë që gjinden në Gjermani, posaqërisht Shoqatën Egjyptiane në Albstadt-Ebingen, si dhe me Shoqatën e LEK-ut dhe Partin Egjyptiane Kosovare IRDK në Zvicër. Gjithashtu bashkëpunim të ngushtë kemi edhe me Kryesin e Shoqatës Egjyptiane „Nefreta“ të Shqiperisë, gjegjesisht me Nënkryetarin e UNIONIT BALLKANO-EGJYPTIAN, zotëriun Behar Sadikun , kërkesave të të cilit iu përgjegjem në shumë mënyra.

Poashtu, të gjithë antarët e Shoqatës sonë iu përgjegjen thirrjes për ndihmë që organizoi patrioti i dalluar dhe veprimtari i pavarur Egjyptiano kosovar, Qerim Abazi, për të ndihmue shpenzimet e z. RUBIN ZEMON, Kryetar i Unionit Ballkano – Egjyptian, nga Ohri, për të doktorue në lidhje me përardhjen e Egjyptianëve në Ballkan, në Akademin e Arteve dhe Shkencës në Sofje të Bullgarisë, me ç´ rast zotriu RUBIN ZEMON , mbrojti temën me sukses dhe mori titullin Doktor i shkencës së Etnologjisë.
- Në vitin 2002 Shoqata jonë në bashkëpunim me Azyl Kreis Hilfe nga Konstanzi, organizoi Kremtimin e Ditës ndërkombëtare të Migracionit, ku murrën pjesë 200 Egjyptiano-kosovarë, të veshur me veshje simbolike të bardha dhe me bazarin të organizuar me ushqime tradicionale mu në qendrën e Konstanzit. Ky vit ishte mjaft i rëndësishëm sepse patem rast të tregojmë direkt kulturën dhe traditat tona kombëtare.
- Viti 2003 për ne ishte i rëndesishëm sepse mbajtem seminare të ndryshme me institucionet gjermane , poashtu, këto seminare u mbajten edhe në Zvicer dhe Austri, dhe paten një jehonë të madhe për opinionin gjerman dhe zvicran. Mbajtja e këtyre seminareve u përmblodh edhe në publikim përmes gazetave.
- Viti 2004 ka qenë jashtëzakonisht i rëndesishëm për Shoqatën tonë, ku veprimtarinë tonë e zgjeruam edhe në Krahinen Autonome të Vojvodinës, gjegjësisht në Novi Sad, ku me kontributin dhe ndihmën tonë financiare, i organizuam vëllezërit tonë që ta formojnë BNE në Vojvodinë me seli në Novi Sad, të cilët punojnë me popullin tonë në afirmimin e identitetit tonë kombëtar Egjyptianë . Këta janë në bashkëpunim të rregullt edhe me institucionet shtetërore në Vojvodinë dhe mbarë Sërbin.
Kontribut të veqant në formimin e BNEV në Novi Sad dha Kryetari i Shoqatës sonë MILAZIM ALIJA, me një financim të veqant privat.
- Vitin 2005 e shenoi Shoqata jonë duke dërguar ndihmë humanitare familjeve skamnore si në Kosovë, Serbi, Maqedoni dhe Mal te Zi, si dhe ndihmat tona dedikuar studentëve tanë në Kosovë.
Gjithashtu në kuadër të projektit të BNEKD, Familja ndihmon familjen, edhe antarët e Shoqatës sonë dhanë kontributin e tyre në realizimin e këtij projekti, ku u munduam ti ndihmojmë familjet me gjendje shumë të veshtirë ekonomike.

Aktiviteti i Shoqatës sonë shtrihet edhe në Shqipëri, ku me rastin e mbajtjes së Simpoziumit të emërtuar PARAGJYKIMI, të organizuar nga Shoqata Egjyptiane „Nefreta“ të Shqipërisë, nën udheheqjen e Kryetarit BEHAR SADIKU, murem pjesë edhe ne, gjegjësisht EKREM ABAZI, Nënkryetar i Shoqatës sonë, së bashku me z. BAJRAM IMERIN, Kryetar i LEK-ut në Zvicër dhe me SADEDIN DELIUN, Kryetar i BNEK për Austri, të cilët vërejten se çështja e ekzistimit të identitetit kombëtar – Egjyptian në Shqipëri nuk ishte ma diskutabile, ajo ishte e kryer. Ata ishin të pranuar Egjyaptian, gjë që vërteton pjesemarrja e Këshilltares së Kryetarit të Republikes së Shqiperisë në këtë Simpozium, Zonja TATJANA PERLLAKU, e cila na porositi se: „Nëse ju Egjyptianët nuk punoni për vete , të tjerët nuk punojnë për ju“. Kjo pjesëmarrje në këtë Simpozium është aktivitet i rëndesishëm i Shoqatës sonë, sepse këta pjesëmarres publikuan materialin e marrur nga ky Simpozium në Shqipëri , dhe njoftuan opinionin mbarë, e posaqërisht masen e dyshuar në lidhje me ekzistimin e Egjyptianëve edhe në Shqipëri, ku edhe vërtetuan se ekzistimi i Egjyptianëve në Shqipëri është fakt që vërteton egzisitimin e Egjiptianëve në Kosovë pa kurfar dyshimi. Tani pyesim : - Athua kush i formoi Egjiptianët në Shqipëri ? Besoj se për këtë nuk ka nevoj më tepër koment, por e rëndesishme është se edhe në Shqipëri punonin intelektualët Egjyptian për pjesëmarrjen e tyre në jetën shoqërore-politike. Se çfar rëndësie ka pasur ky Simpozium , flet edhe fakti se është transmetuar edhe në RTV të Shqipërisë. - Nën organizimin e z. EKREM ABAZIT, e në bashkepunim me shoqatat tjera Egjyptiane ne dijasporë, ndihmuam në dërgimin e mjeteve finansiare veprimtarinë e Degës së Partisë Egjyptiane IRDK-së në Fushë Kosovë.

foto. Sadedin Deliu, fjalimi i të cilit do të publikohet ditëve të ardhëshme

Zonja dhe zotrinjë, ju informojmë se prej themelimit e deri më sot, Kryesia jonë rregullisht është takuar me Kryesinë e Partisë Egjyptiane IRDK-së dhe me Kryesinë e Shoqatës Egjyptiane në Kosovë duke u takuar dhe debatuar me ish Zav. Ministrin tonë te Egjyptianëve kosovarë, z. Ibish Bajramin, Deputetin tonë dhe Kryetarin e Partisë Egjyptiane të IRDKsë , z. Xhevdet Neziraj, me ish Deputetin tonë Egjyptian, z. Bislim Hotin dhe Zavendës Kryetarin e Komunës së Istogut ,në emër të Egjyptianëve, z. Fazli Stollaj, edhe me Kryetarin e Degës së IRDK-së Egjyptiane, z. Skender Marollin, ku kemi debatuar mbi problemet tona që na rëndojnë.

Shumë të respektuara zonja dhe zotrinjë,

Synimi ynë në të ardhmen është gjithëherë prioritet NGRITJA E VETEDIJES KOMBETARE pa marrë parasysh se ku gjendet popullata jonë, si në Kosovë, ashtu edhe në Dijasporë.

Në fund ju falënderoj për mirëkuptim dhe pjesëmarrje në këtë DHJETEVJETOR, që është i joni dhe i juaji.


Fjala i ipet Zonjës  Friederike von Wolff nga Arbeitskreis Asyl, e cila mbas fjalimit të saj i ndau disa mirënjohje antarëve të kësaj Kryesie,
ku në lidhje me mbajtjen e këtij manifestimi gazetarja zn. Rindt, shkruajti ne gazeten Suedkurier, që më gjerësisht mundë të njiheni nëse shtypni linkun - - - - lexo

Fjala i ipet Qerim Abazit

I nderuari zotëri Kryetar,

Të nderuar antarë të Kryesisë së kësaj Shoqate,

Me rastin e festimit të 10 Vjetorit të Shoqatës së juaj, pranoni përshendetjet dhe urimet e mia më të përzemerta duke ju dëshiroj sukses dhe shumë të mira në punët e mëtejme.

E ndiej veten të kënaqur që më nderuat dhe respektuat me këtë Mirënjohje, e cila më shtynë që edhe më tutje ta vazhdoj punën dhe të jem në sherbim të popullit tonë Egjyptianë të Kosovës, për të cilin punova që nga viti 1990.

Jam shumë i kënaqur që këtu po shof aktivistët dhe veprimtarët shumëvjecar të Lëvizjes sonë kombëtare Egjyptiane, shokët e mijë, me ç ´rast nga zemra i përshendeti dhe ju dëshiroj shëndet të mirë në vazhdimin e punës sonë të shenjët kombëtare .

Vëllezer të nderuar Egjyptianë,

Kërkesat e viteve të 90-ta për përcaktim të identitetit tonë etnik Egjyptian ishin të nevojshme, sepse , atëhere mbi popullin tonë filluan manipulimet duke na trajtuar sipas nevojes dhe dëshires.

Duke parë këtë trajtim të tillë, me 21 10 1990 , formuam Shoqatën Egjyptiane të Kosovës që kishte për qëllim identifikimin në kuptimin nacional, mbrojtjen e identitetit etnik, dhe ndriqimin e perardhjes sonë në mënyrë shkencore.

Jam i knaqur se veprimtaria jonë Egjiptiane lulëzon edhe këtu në Diasporë në Shoqata dhe degë të Partisë Egjiptiane IRDK-së, e sidomos vlen për tu përmendur se në Kosovë kemi intelektualët tanë egjyptian të cilët përfaqësojn interesat tona në Parlamentin Kosovës dhe nëpër Kuvende Komunale, e ky është argument se mundi ynë, i viteve 90-ta nuk shkoi kot. Ata të cilët dikur na perqeshen , mendonin se jemi të manipuluar dhe nuk na perfrillën, tani të njëjtit na pranuan dhe u binden se ekzistenca jonë është realitet.
Pra, mbetet që ne të punojmë për vetevete se askush nuk punon për ne, të integrohemi në shoqerinë kosovare në të gjitha sferat e jetës, dhe t´i shfrytezojmë të gjitha të drejtat të cilat na janë garanatuar me Kushtetutë, në menyrë që ato të drejta të garantuara të jetësohen e jo të mbesin shkronjë e vdekur në letër.

Në fund pranoni përshendetjet e mia duke ju dëshiruar suksese të shumta në punë.
- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

Pastaj, Programi ynë vazhdoi me këngë dhe valle të melosit Egjiptiano-Kosovarë, e ne ishim të kënaqur me argëtimin e Egjiptianëve tonë që morrën pjesë në këtë manifestim .



Me përshendetje,

KRYESIA E SHOQATES SE EGJIPTIANEVE KOSOVARE
" KLEOPATRA" , KONSTANZ - GJERMANI